Ibadah Memasuki Rumah / Mamonggoti Bagas

PARTORDING  NI  PARTANGIANGAN

MAMASUKI   BAGAS

Kel. L. Lumbantobing / br. Silitonga

Jemaat HKI Cawang Cililitan

Resort Jakarta II

Minggu, 16 Maret 2014

1. ACARA KEBAKTIAN

U : Uluan            R : Ruas              TR : Tuan Rumah

1.            Votum/ Introitus

U         :   Marhite-hite goar ni Debata Ama, dohot goar ni AnakNa Tuhan Jesus Kristus, dohot goar ni Tondi Parbadia na manompa langit dohot tano on dipasaorhon ma dameNa tu tondinta. Amen. Rap ma hita mandok di  tangiangta i.!

R         : Ale Jesus Tuhannami, bereng hami na dison. PinarmahanMi do hami saluhutna na dison, sai asi rohaM di hami, sai pangolu hami on. Amen

2.            Marende BE. 443 : 1, “Dung Tuhan Jesus”       BL. 393

v  Dung Tuhan Jesus nampuna au, songgop damena biarhu lao

Taripar gogo, ngoluna i, nasa dosangku naung sae do i

Tabaritahon holongna i, didia Tuhan tudoshon i?

Tuk manumpahi tarlobi da? Sasada Jesus pinuji ma.

3.            Ayat dohot Tangiang (Responsoria)

U         :   Ende hananangkok sian si Salomo. Molo so Jahowa paulihon bagas, loja sambing do angka na mamandei; molo so Jahowa marhal huta i, ndang marniula hadudungo ni parhal (Psalmen 127:1).

                Martangiang ma hita : Ale Debata Amanami, hinorhon ni asi ni rohaM do umbahen boi marudut sude angka ulaon dohot pardalanan ni ngolunami.

TR     :   Dipasupasu Ho do rumahtangganami laos diloas Ho mangula angka ulaon na marragam i gabe dapot hami pansamotan sian angka i. Sai dongani hami di angka ulaon asa tung sai marudut pambahenannami tu hamajuon jala lam paltak bogasnami tu joloanon.

U         :   Saluhut nasida mangaranap tu Ho, asa lehononMu bohal nasida. Molo dilehon Ho di nasida, dijomputi nasida, molo dipatedek ho tanganMu, butongannasida di na denggan i.

R         :   Pajonok hami Tuhan tu jampalan na lomak i, padao bala dohot mara, paunduk roha ni ianakkon tu natua-tua, laos pasada rohanami na marrumatangga.

TR     :   Diboto Ho do gogo dohot sinadongannami laos diboto Ho do hagaganda ni saluhutna i. Sungguli hami tu ngolu partondion, hirpasi hami tu ulaon, panghulingi hami di angka hahurangan. Joloani hami di angka sieahan laos paihuthon bogas angka naung hupungka hami, asa tolhas sahat ro di sundut ni na umposo.

U         :   Naung umpungka ulaon na denggan di bagasan hamu, patulusonni i do i sahat ro di ari ni Krisus Jesus.

U+R  :   Amen

4.            Marende, BE. 12 : 2 + 8   “Dipuji Rohangkon do Ho”  BL. 15

♫    Huboto Ho do  mual ni na denggan sasude

        Dilehon Ho do sian i godang di hami be

        ♫    Ima tutu O Debata dilehon Ho sude

                Ai Ho do na tongtong basa manumpak jolma i.

5.            Renungan  :         C.Pdt. Polma Hutasoit, S.Th

6.            Marende, BE. 160 : 3         “O Tondi Parbadia I, bongoti”   BL. 206

Ø  Rajai ma hami sai tongtong, pasaor tu roha nami on, damem O Tuhannami,

Marhitehite Tondimi, ingani rohanami be, huhut patogu hami,

Daoma bada sian hami, jabunami baen inganan, pardamean hasonangan.

7.            Pasahathon Bagas tu Debata  (Rap Jongjong)

U         : Hamu nahinaholongan dibagasan Jesus Kristus Tuhanta i. Taboto do, ditangihon jala dioloi Tuhan Debata do pangidoan ni angka na porsea di Ibana, laho pajongjongkon bagas on, tau inganan parmianan ni hamuliaon ni Tuhanta huhut inganan parsaoran ni angka na porsea rap dohot Tuhanta.

R         :   Hupasahat hami ma bagas on tu bagasan hamuliaonMu, dame dohot las ni roha ma di sude pangisina.

U         :   Bahen parsaoran ni natua-tua rap dohot pomparanna marhite tangiang dohot ende sipujion, lumobi laho mangguruhon hataM nabadia jala na songkal i.

R         :   Topot ma hami marhite Tondi Parbadia, asa lam hot haporseaonnami jala tarhatindangkon hami Ho sahat ro di ujung ni ngolunami di hasiangan on.

U         :   Laho mangapuli angka na marsak, mangalehon hadameon tu angka na marsalisi, mangalehon gogo tu angka na dangol dohot na tarunjun, jala patiurhon dalan di halak na lilu.

R         :   Sondangi bagas on dohot sondang hatiuron sian surgo, asa tahi ni parjahat, sibolis dohot huaso ni haholomon ndang maringan di bagas on.

U         :   Sai jumpang ma Ho di bagas on marhitehite Barita Nauli i ma hataM na Badia i, laho paubahon, mangapuli, mangalehon gogo jala na pasonangkon rohanami.

R         :   Pangke ma bagas on Tuhan inganan dohot habaoran ni pasupasum, asa marhite bagas on lam tarpasupasu hami jala martamba bilangan ni na porsea di goarMu.

U         :   Di bagasan na masihol dohot na mangkirim hami di sada bagas na hinalomohon ni rohaM, sai lam tambai ma angka silehonlehonMu dohot asi ni rohaM tu keluarga on. Sai pauli jala padenggan rohanasida marhite Tondi Parbadia, asa tau nasida bahen ingananMu. Sai parmahani ma nasida di ganup langkana siganup ari.

U + R    :               Tanda mauliate ni rohanami di pasupasuM tu keluarga na pajonjong bagas on, tanda mauliate ni rohanami tu angka pande na patulushon pembangunan ni bagas on, huundukhon hami ma tu adopanmu na badia i, hupasahat hami ma bagas on tu Ho Tuhan, jala pasupasu ma.

TR     :   “ALAI  ANGGO AHU  DOHOT  DONGANKU SAJABU,  INGKON  JAHOWA  DO  OLOANNAMI”.

U + R    :               AMEN                                                   (Hundul)

8.            Marende, BE. 463 : 1 – 3   “PasupasuM TongosonMu”  BL. 312      “P.Pelean”

à   PasupasuM tongosonMu I do didok hataMi,

Suru tondiM na badia, bosur ma baen rohangki.
HagogoonMu songgop ma tu rohangkon.
Unang sai holan manetek, gohi sandok diringkon.

à     Buat ma angka pangambat, unang songsong dalan i.
Mual ni aek hangoluan ringkot do di rohangki.
HagogoonMu………………………..

à   Bereng ma sai hupaima, nunga rade rohangki,
Guru di Ho ma ngolungku, dohot au tinobusMi.
HagogoonMu………………………..

7. Tangiang Panimpuli

U         :   Dibagasan dame dohot holong ni Jahowa inganhon hamu ma bagas on mardongan las ni roha.

R         :   Sai ditumpak Tuhan i ma angka na niula ni tanganta; ditangan siamunNa dapot hita ganjang ni umur laos di tangan hambirangNa i dapot hita pangomoan natau pasonang roha. Ibana do mata ni ari binsar na paullophon saluhut na so dapot idaon ni mata.

U         :   Holong ni Tuhanta i ma pauduthon bogas naung tapungka. HagogoonNa i ma patukhon hita mansari; laos TondiNa i ma manogunogu jala mangaramoti hita sahat ro di salelengnilelengna. Amen.

                Rap ma hita mangido di tangiang hatopanta i.

U+R  :   Ale Amanami …

U         :   Pasu – pasu

U + R    :               (Mangendehon)           Amen… Amen… Amen.      Bes = 1 Do

              İ    .    İ    .    ç    İ    .    İ    .    ç    İ    .    7    .    ç    İ

              A     men         A    men          A                      men